Shymkentte otshashýdy zańsyz satqan 22 adam jaýapkershilikke tartyldy
Zań buzýshylardan 108 dana pırotehnıkalyq zattar tárkilendi, dep habarlaıdy Kazinform.
Polıtsııa qyzmetkerleri otshashýlar satylatyn oryndar men bazarlarda júrgizgen reıdter barysynda birshama zań buzýshylyqtardy anyqtady. Nátıjesinde 22 adam jaýapkershilikke tartylyp, 108 dana pırotehnıkalyq zattar tárkilendi. Zań buzýshylarǵa qatysty QR ÁQBtK-niń 196-baby boıynsha hattamalar toltyryldy.
«Tártip saqshylary 3 qańtarǵa deıin saýda oryndaryn aralap, patrýldeý jumystaryn júrgizetin bolady. Profılaktıkalyq shara barysynda ónimniń qujattary, saýda jasaýǵa ruqsaty men pırotehnıkalyq jarylǵysh zattardy saqtaý oryndary tekseriledi. Turǵyndarǵa pırotehnıkalyq zattardy tek lıtsenzııasy bar dúkenderden satyp alýǵa jáne paıdalaný jónindegi nusqaýlyqty muqııat zerdeleýge keńes beremiz» - degen Shymkent qalasy polıtsııa departamentiniń baspasóz qyzmeti taratqan aqparatta.
