Shymkentte órtengen benzovoz kabınasynan er adamnyń máıiti tabyldy
ASTANA. KAZINFORM — Shymkenttegi Tashkent tasjolynda jol apatynan keıin benzovoz aýdarylyp, órtendi.
Órt kólikti jáne tógilgen janarmaıdy sharpyǵan. Qutqarýshylar kólik kabınasynan er adamnyń máıitin tapty.
Turan aýdanynda órt shyqqany týraly habar 112 shuǵyl qyzmetiniń pýltine búgin, 2026 jylǵy 18 qarashada saǵat 15:58-de túsken. Oqıǵa ornyna órt sóndirý bólimsheleri joǵary shaqyrtý dárejesimen jiberildi.
— Órt sóndirýshiler oqıǵa ornyna jetken kezde jol apaty saldarynan aýdarylǵan benzovoz otqa oranǵan. Tógilgen janarmaı da tutanǵan. Órt 60 sharshy metr aýmaqta sóndirildi. Kólik kabınasynan qaza tapqan er adamnyń máıiti tabyldy, — dep habarlady Kazinform tilshisine Shymkent tótenshe jaǵdaılar departamenti.
Apattyń mán-jaıyn polıtsııa qyzmetkerleri anyqtap jatyr.
Eske salaıyq, buǵan deıin Mańǵystaý oblysynyń Jańaózen qalasyndaǵy ónerkásiptik aımaqta órt shyǵyp, úsh qoıma ǵımaraty men eki júk kóligi otqa oranǵanyn habarlaǵan edik.