Shymkentte «Ónegeli urpaq» naýqany boıynsha ál-Farabı aýdanyndaǵy aýlalar tazartyldy
ShYMKENT. KAZINFORM – Shyraıly Shymkent qalasy kún ótken saıyn gúldenip keledi. Óıtkeni jyldaǵydaı emes, abattandyrý, kógaldandyrý jumystaryna qyzmetkerlerden bólek, qala turǵyndary da bir kisideı atsalysyp jatyr. Bul aptada «Ónegeli urpaq» naýqany boıynsha ilkimdi ister júzege asqan. Sonyń biri ál-Farabı aýdanyna qarasty «Dostyq aýlasynda» uıymdastyryldy.
Qazybek bı 6 kóshesindegi turǵyn-úı alqabynyń kólemi úlken jáne onda ardagerler kóp. Sondyqtan osy aýmaqta tazalaý jumystaryn júrgizý josparlanǵan. Іs-sharaǵa 10-nan asa tehnıka men 200-ge jýyq qyzmetker jumyldyrylyp, belgilengen nysandy tolyqtaı tazartty.
– «Taza Qazaqstan» aktsııasy bastalǵaly oń ózgeristerdi baıqaımyz. Halyq kóp shoǵyrlanatyn oryndarda tazalyq deńgeıi birshama ósken. Qýantarlyǵy bul is-sharaǵa JOO-nyń stýdentteri kóp qatysady. Jastardyń belsendigili tek oqý-ǵylymnan emes, qoǵamdyq jumystardan da joǵary deńgeıde kórinýde. Urpaǵymyzdyń sanaly, tárbıeli, tazalyqqa jaqyn bolýy úshin bizder árqashan úlgi bolatyn ıgi isterdiń basy-qasynda júrýimiz kerek, - deıdi Qalalyq máslıhattyń depýtaty Tóreaıym Sultanova.
Ónegeli isti dáripteý tek bir kúnmen shektelmesi anyq. Aldaǵy ýaqytta qala turǵyndaryna qýanysh syılaǵyn aktsııa jalǵasyn taba bermek.
