Shymkentte oqýshyny urǵan muǵalim qamaýǵa alyndy

ShYMKENT. KAZINFORM — Shymkentte mektep-lıtseıdiń muǵalimi oqýshyny urǵany úshin 25 táýlikke qamaýǵa alyndy.

Sot isti QR Qylmystyq kodeksiniń 109-1-babynyń 2-bólimi, 8-tarmaǵy boıynsha qarady.

Oqıǵa bıyl naýryz aıynda bolǵan. Sabaq kezinde oqýshy kabınet esigin úzdiksiz qatty qaqqan. Jasóspirimniń minez-qulqyna ashýlanǵan muǵalim ony urǵan.

Aıyptalýshynyń kinási onyń óz moıyndaýyndaǵy kórsetkishterimen, kýágerlerdiń aıtýymen jáne vıdeojazbamen rastaldy. 

Memlekettik aıyptaýshy qamaý túrindegi jaza taǵaıyndaýdy talap etse, zardap shegýshiniń ókili de qatań jaza qoldanýdy surady.

Al aıyptalýshy óz kinásin tolyq moıyndap, bas bostandyǵynan aıyrýmen baılanysty emes jeńil jaza taǵaıyndaýdy ótindi.

Sot aıyptalýshynyń kinásin moıyndaǵanyn jeńildetýshi jaıt retinde qabyldady, aýyrlatatyn jaǵdaılar anyqtalǵan joq.

Nátıjesinde muǵalim kináli dep tanylyp, oǵan 25 táýlikke qamaý túrindegi jaza taǵaıyndaldy.

Sot úkimi áli zańdy kúshine engen joq.

Aıta keteıik, budan buryn Shymkent ákimdigi sáýlet basqarmasynyń basshysy ustalǵanyn rastaǵanyn jazǵan bolatynbyz.