Shymkentte oqýshy avtobýstaǵy qaýipti áreketin vıdeoǵa túsirgen
ShYMKENT. KAZINFORM — Shymkentte tehnıkalyq qaqpaǵy ashyq kúıde qozǵalyp bara jatqan avtobýstyń beınejazbasy áleýmettik jelilerde tarady.
Vıdeodan avtobýs júrip kele jatqan sátte onyń astyńǵy bólikteri men asfalt joldyń anyq kórinip turǵanyn baıqaýǵa bolady. Bul qaýipti jaǵdaıǵa baılanysty jeli qoldanýshylary alańdaýshylyq bildirdi.
Qala ákimdiginiń málimetinshe, atalǵan oqıǵa boıynsha arnaıy tekserý júrgizildi.
— Vıdeony túsirgen azamattyń 12 jastaǵy mektep oqýshysy ekeni anyqtaldy. Ol úsh kún buryn № 74 baǵyttaǵy avtobýsqa minip, artqy tehnıkalyq qaqpaqty ashyp, ony vıdeoǵa túsirgen jáne TikTok áleýmettik jelisine júktegen, — delingen vedomstvo habarlamasynda.
Qazirgi tańda kámeletke tolmaǵan jasóspirimmen jáne onyń ata-anasymen túsindirme jumystary júrgizildi. Bala óz qateligin moıyndady. Sondaı-aq ata-anasy mundaı jaǵdaıdyń qaıtalanbaıtynyn jetkizdi.
Budan buryn Shymkentte avtobýs júrgizýshisin urǵan jasóspirimge qatysty qylmystyq is toqtatylǵanyn jazǵan edik.
