Shymkentte nóser jaýynnan soń kópir astyndaǵy joldy sý basyp qaldy
ShYMKENT. KAZINFORM. Shymkentte búgin kún kúrt buzylyp, aldymen daýyl bastaldy. Keıin bir saǵattaı tolassyz jaýǵan nóser jaýynnan Temirlan tas joly men Ahýnbabaeva kóshesiniń qıylysyndaǵy kópirdiń astyn joldy sý basyp qaldy.
Tótenshe jaǵdaılar qyzmetiniń málimetinshe, jańbyr sýynyń tereńdigi 50 sm-ge jetken.
Sý tartý jumystaryna Shymkent qalalyq Tótenshe jaǵdaılar departamentinen 6 tehnıka, 14 motopompa jáne 30 jeke quram ókili, sonymen qatar jergilikti atqarýshy organnan 8 tehnıka, 1 motopompa, 20 adam jumyldyrylǵan.
Qazirgi tańda tótenshe jaǵdaılar qyzmetiniń ókilderi turǵyndar men qala qonaqtary úshin qolaısyzdyq týdyrǵan jaýyn sýy tolyǵymen tartylǵanyn aıtty.
Biz buǵan deıin 25-27 mamyrdyń aýa raıy boljamyn jarııalaǵan bolatynbyz. Aldaǵy úsh kúnde respýblıka boıynsha Soltústik tsıklonnyń áserinen jańbyr qar, naızaǵaı, burshaq jaýyp jel kúsheıetini boljanǵan.
Oǵan deıin biraz kún sýsyz otyrǵan Almaty turǵyndary jańbyr sýyn shelekpen jınaǵan edi.
