Shymkentte naýqasqa týǵan inisi bir búıregin berip, ómir syılady
ShYMKENT. KAZINFORM – Qalalyq №1 klınıkalyq aýrýhanada joǵary tehnologııalyq kúrdeli ota jasalyp, tiri donordyń búıregi naýqasqa salyndy.
Qalalyq densaýlyq saqtaý basqarmasynyń málimetinshe, 40 jastaǵy azamat 47 jastaǵy týǵan aǵasyna bir búıregin bergen. Bul – medıtsınadaǵy eń kúrdeli ári jaýapty hırýrgııalyq ádisterdiń biri.
Birneshe kezeńnen turatyn kúrdeli otany tájirıbeli transplantologtar, hırýrgtar jáne anestezıologtar sátti júrgizdi.
– Qazirgi ýaqytta donor men retsıpıenttiń jaǵdaıy turaqty. Olar dárigerlerdiń baqylaýynda bolyp, qajetti em qabyldap jatyr. Tiri donorlyq búırek transplantatsııasy – sozylmaly búırek jetkiliksizdigi bar naýqastar úshin eń tıimdi emdeý tásilderiniń biri. Mundaı otalar patsıentterdiń ómir sapasyn jaqsartyp, uzaq ári belsendi ómir súrýine múmkindik beredi, - delingen habarlamada.
Aıta keteıik, búginge deıin Shymkent qalasynda 247 búırek jáne 35 baýyr transplantatsııasy sátti jasalǵan.
Budan buryn shymkenttik ana balasyna bir búıregin bergenin jazǵan edik.
