Shymkentte mobıldi baılanys sapasy tómen qansha aımaq bar

ShYMKENT. KAZINFORM — Búginde qala aýmaǵynda 1 771 bazalyq stantsııa jumys isteıdi.

Qalalyq tsıfrlandyrý basqarmasynyń basshysy Muhıt Kemelovtyń aıtýynsha, mobıldi ınternet pen baılanys sapasyn jaqsartý baǵytynda jyl basynan beri 19 jańa bazalyq stantsııa ornatylǵan. Onyń 4-i 5G, al 15-i 4G tehnologııasy negizinde qyzmet kórsetedi.

— Qazirgi tańda qalada mobıldi baılanys sapasyna qatysty 8 osal aımaq anyqtaldy. Bıyl osy núktelerdi joıý baǵytynda jumystar jalǵasady. Degenmen mundaı aımaqtar ózgerip otyrady. Qaladaǵy qurylys qarqynynyń artýy, jańa nysandardyń salynýy men eski ǵımarattardyń buzylýy bazalyq stantsııalarǵa túsetin júktemege áser etedi. Sonyń saldarynan baılanys sapasy tómendep, jańa osal aımaqtar paıda bolýy múmkin, — dedi spıker.

Vedomstvo málimetinshe, keıbir shaǵynaýdandarda baılanys sapasynyń tómendeýine turǵyndardyń bazalyq stantsııany ornatýǵa qarsylyǵy da sebep bolyp otyr. Osyǵan baılanysty Qaınarbulaq jáne Turan-2 shaǵynaýdandarynda ınternet sapasynyń tómendigi tirkelgen. Jalpy jyl basynan beri qala aýmaǵynda osyndaı 10-nan astam jaǵdaı anyqtalǵan.

Budan buryn mobıldi baılanys tarıfteri ne sebepti ózgergenin jazǵan edik.