Shymkentte messendjer arqyly veıp satqan turǵyn ustaldy
ShYMKENT. KAZINFORM — Shymkentte polıtsııa qyzmetkerleri veıpterdi zańsyz satýmen aınalysqan er adamnyń zańǵa qaıshy áreketiniń jolyn kesti. Bul týraly Polisia.kz jazdy.
— Profılaktıkalyq is-sharalar barysynda kúdiktiniń veıp ónimderin messendjerler arqyly jarnamalap, satqany belgili boldy. Onlaın jarnama oǵan tutynýshylardy tartýǵa jáne taýardy keńinen taratýǵa múmkindik bergen, — delingen habarlamada.
Tekserý barysynda er adamnan jalpy quny 3 mıllıon teńgeden asatyn 332 elektrondyq tutyný júıesi anyqtalyp, tárkilendi. Atalǵan derek boıynsha qylmystyq is tirkelip, sotqa deıingi tergep-tekserý amaldary júrgizilip jatyr.
Polıtsııa elektrondyq tutyný júıeleriniń zańsyz aınalymy men satylýy quqyq qorǵaý organdarynyń erekshe baqylaýynda ekenin eskertedi. Mundaı quqyq buzýshylyqtardyń joly zańnamaǵa sáıkes qatań túrde kesiledi.
Buǵan deıin Almatyda quny 1 mlrd teńgeden asatyn 180 myń veıp tárkilengenin jazdyq.