Shymkentte memlekettik satyp alý zańnamasyn buzǵan sheneýnikter jaýapkershilikke tartyldy
ShYMKENT. KAZINFORM- Ákimshilik quqyq buzýshylyq týraly 47 hattama toltyrylyp, memleket kirisine 2 595 600 teńge kóleminde aıyppul óndirildi.
Prokýrorlyq qadaǵalaý aktisi boıynsha Іshki memlekettik aýdıt departamenti 7 laýazymdy tulǵaǵa shara qoldandy. Onyń ishinde Eńbekshi aýdanynyń ákimine, jolaýshylar kóligi jáne avtomobıl joldary basqarmasynyń basshysyna, qurylys basqarmasynyń burynǵy basshysyna, qalalyq drama teatrynyń burynǵy basshysyna qatysty ÁQBtK 207-babynyń 10-bóligi boıynsha (Qazaqstan Respýblıkasynyń memlekettik satyp alý týraly zańnamasyn buzý) ákimshilik quqyq buzýshylyq týraly 47 hattama toltyrdy.
«Jalpy memleket kirisine 2 595 600 teńge kóleminde aıyppul óndirildi. Sonymen qatar, 30 ónim berýshini memlekettik satyp alýǵa josyqsyz qatysýshylardyń tizilimine engizý týraly qadaǵalaý aktisi engizildi», - delingen Shymkent qalasynyń prokýratýrasy taratqan aqparatta.
