Shymkentte memlekettik qyzmetshiden 10 mln teńge bopsalady degen kúdikpen bloger ustaldy
ShYMKENT. KAZINFORM – Polıtsııa qyzmetkerleri jedel-izdestirý is-sharalary barysynda laýazymdy tulǵadan aqsha bopsalaǵan bloger jýrnalısti ustady. Aldyn ala málimetke sáıkes, kúdikti ákimdik qyzmetkerinen 10 mıllıon teńge kóleminde aqsha talap etken. Bul týraly ІІM baspasóz qyzmeti habarlady.
Ol bul somaǵa áleýmettik jelilerde memlekettik organdardyń qyzmetin qaralaıtyn materıaldardy taratpaýǵa ýáde bergen. Atalǵan jaıt boıynsha qylmystyq is qozǵaldy.
Tergeý aıasynda kúdiktiniń turǵylyqty jeri men keńsesinde tintý júrgizilip, nátıjesinde elektrondyq qurylǵylar men ózge de zattaı aıǵaqtar tárkilendi. Kúdikti ýaqytsha ustaý ızolıatoryna qamaýǵa alyndy. Qazirgi tańda oqıǵanyń barlyq mán-jaıyn anyqtaýǵa baǵyttalǵan tergeý áreketteri júrgizilip jatyr.
Aıta ketelik Túrkistan oblysynda jerdi zańsyz paıdalanyp, paıdaly qazba óndirgender anyqtaldy.