Shymkentte medıtsınalyq qyzmet kórsetýde 245 myńnan astam kemshilik anyqtaldy
ShYMKENT. KAZINFORM – Shymkentte «Mindetti áleýmettik medıtsınalyq saqtandyrý qory» fılıalynyń sarapshylary bıylǵy 9 aıdaǵy medıtsınalyq qyzmettiń sapasyna monıtorıng jasap, qorytyndysyn shyǵardy.
«Mindetti áleýmettik medıtsınalyq saqtandyrý qory» Shymkent qalalyq fılıalynyń málimetinshe, bıyl 245 myńnan astam kemshilik anyqtalyp, medıtsınalyq uıymdarǵa 1,1 mlrd teńge kóleminde aıyppul salynǵan.
«Kemshilikterdiń basym bóligi konsýltatsııalyq-dıagnostıkalyq qyzmet kórsetý kezinde tirkelgen. Sonymen qatar qyzmet sapasyna qatysty 300-den astam aryz-shaǵym túsken. Onyń 148-i negizsiz bolǵandyqtan, naýqastardyń ózderi shaǵymyn qaıtaryp alǵan. Olardyń kóbi medıtsınalyq qyzmet kórsetýden bas tartý, qyzmet sapasynyń tómendigi jáne dári-dármektiń ýaqytyly berilmeýi sııaqty máselelerge qatysty», delingen vedomstvonyń aqparatynda.
Jalpy búginde qalada 177 medıtsınalyq uıym halyqqa qyzmet kórsetedi. Onyń 34-i — memlekettik, 143-i — jekemenshik klınıka jáne 43 stomatologııalyq qyzmet kórsetý mekemesi bar.
«Mindetti áleýmettik medıtsınalyq saqtandyrý qory» Shymkent qalalyq fılıalynyń málimetine súıensek, Shymkentte 1 mln astam adam, ıaǵnı halyqtyń 81,7 paıyzy saqtandyrylǵan. Onyń ishinde jeńildik sanatyndaǵy 800 myńǵa jýyq azamattyń jarnasyn memleket tólep keledi. 232 myń adam saqtandyrylmaǵan. Alaıda qalada MÁMS júıesine qatyspaıtyn 55 362 osal sanattaǵy azamat bar.
Budan buryn Shymkenttegi aýrýhanada naýqastar dálizde jatqanyn jazǵan edik.