Shymkentte marıhýana ósirýmen aınalysqan turǵyn ustaldy
ASTANA. KAZINFORM - Qala prokýratýrasynyń úılestirýimen Polıtsııa departamentimen júrgizilgen jedel sharalar nátıjesinde marıhýana túrindegi esirtki zattaryn shyǵaratyn fıtozerthananyń qyzmeti toqtatyldy.
Arnaıy jabdyqtalǵan, jasandy jaryqtandyrýmen qamtylǵan qurylǵydan 83 kók plastıkalyq shelekte ósirilgen marıhýana, plastıkalyq paketterden qaptamadan shyǵarylǵan esirtki zattary men elektrondy tarazylar tabyldy.
Qazirgi ýaqytta uıymdastyrýshy ustalyp, qamaýǵa alyndy.
Qalalyq prokýratýra qylmystyq kodekstiń 297, 300-baptarymen sotqa deıingi tergep-tekserý amaldary júrgizilip jatqanyn málimdedi.
Atalǵan baptar boıynsha jeti jyldan on eki jylǵa deıin bas bostandyǵynan aıyrý jáne múlikti tárkileý jazasy qarastyrylǵan.
Qylmystyq-protsestik kodekstiń 201-babyna sáıkes basqa aqparat jarııalanýǵa jatpaıdy.
Elordalyq jasóspirim halyqaralyq poshta arqyly marıhýana aldyrǵanyn jazǵan bolatynbyz.