Shymkentte qudyq ishinde eki jumysshy ýlanyp, kóz jumdy
ShYMKENT. KAZINFORM – Shymkentte qubyr tóseý jumystary kezinde eki jumysshy qaza tapty. Osyǵan baılanysty sotqa deıingi tergep-tekserý júrgizilip jatyr.
Aldyn ala málimet boıynsha, 20-22 jastaǵy eki jumysshy qudyq ishinde aýa quramyndaǵy zııandy zattan ýlanyp, kóz jumǵan.
– Qazirgi tańda oqıǵanyń barlyq mán-jaıy, sondaı-aq eńbek qaýipsizdigi talaptarynyń saqtalýyna jaýapty tulǵalar anyqtalyp jatyr, – dep habarlady Shymkent qalasynyń polıtsııa departamenti.
Polıtsııa ózge málimetterdiń Qazaqstan Respýblıkasy QPK-niń 201-babyna sáıkes jarııa etýge jatpaıtynyn málimdedi.
Buǵan deıin Shymkentte 2026 jyldyń alǵashqy alty aıynda 17 jazataıym oqıǵa tirkelgenin jazǵan edik.
Sondaı-aq Shymkentte 13 jasar jasóspirim daıashy bolyp jumys istep júrip kóz jumǵany habarlandy.
