Shymkentte kisi qolynan qaza tapqan Nuraı Serikbaı isi boıynsha tergeý aıaqtaldy
ShYMKENT. KAZINFORM – Shymkentte 21 jastaǵy Nuraı Serikbaıdy óltirý isi boıynsha jábirlenýshi tarap qylmystyq istiń alǵashqy jeti tomymen tanysty. Bıylǵy jyldyń eń rezonansty isteriniń biri boıynsha materıaldar tanysý rásimi aıaqtalǵan soń sotqa joldanady.
Jábirlenýshi taraptyń advokaty Aıanhan Omarovtyń aıtýynsha, marqumnyń týystary men olardyń ókili qylmystyq istiń alǵashqy jeti tomymen tanysyp, qujattardyń kóshirmelerin alǵan.
– Nuraı isi boıynsha tergeý áreketteri aıaqtaldy. Jábirlenýshi tarap pen olardyń advokaty qylmystyq istiń birinshi tomynan jetinshi tomyna deıingi materıaldarmen tanysyp, kóshirmelerin aldy. Qazirgi ýaqytta tanysý rásimi ótip jatyr. Protseske qatysýshylar zańda kózdelgen quqyqtaryn tolyq kólemde júzege asyrǵannan keıin is sotqa joldanady, – dedi Aıanhan Omarov.
Advokattyń sózinshe, kóptomdyq istiń sotqa joldaný merzimi jóninde qosymsha aqparat keıinirek jarııalanady.
Al Shymkent qalalyq polıtsııa departamenti Kazinform agenttiginiń saýalyna bergen jaýabynda Nuraı Serikbaıdy óltirý isi boıynsha tergeýdiń aıaqtalǵanyn rastady.
Vedomstvo málimetinshe, qazirgi ýaqytta qylmystyq is taraptardyń materıaldarmen tanysýynyń sońǵy kezeńinde tur.
Budan buryn habarlaǵanymyzdaı, polıtsııa qaza tapqan stýdent qyzdyń otbasy jarııalaǵan derekterge jaýap berdi.
Prezıdent Shymkenttegi boıjetkenniń ólimine qatysty Bas prokýratýraǵa tapsyrma berdi.
Qyzdy óltirý faktisi boıynsha qozǵalǵan qylmystyq isti tergeý úshin ortalyq apparattan mamandar jiberildi.
Boıjetkenniń óliminen keıin óz qyzmetine selqos qarady degen kúdikpen polıtsııa qyzmetkerlerine qylmystyq is qozǵaldy.
Sondaı-aq kúdikti ómir boıyna bas bostandyǵynan aıyrylýy múmkin ekeni habarlandy.
Nuraı Serikbaıdy óltirdi degen kúdikti májbúrli psıhıatrııalyq emdeýge jiberildi.
Keıinnen kúdiktiniń psıhıkalyq aýytqýy rastalmady.
Sonymen qatar Nuraıdyń isi sotqa qashan túsetini habarlandy.
