Shymkentte qoımadan órt shyǵyp, eki adam zardap shekti
ShYMKENT.KAZINFORM — Shymkent qalasynyń Eńbekshi aýdanyndaǵy Isfıdjab turǵyn alabynda ornalasqan jeke qoıma aýmaǵynda órt shyqty.
Oqıǵa ornynda qoıma ǵımarattarynyń shatyry, júk kóliginen tógilgen dızel otyny jáne nysan aýmaǵynda saqtalǵan rezeńke buıymdar janǵan. Órt oshaǵyna jaqyn jerde dızel otynymen toltyrylǵan júk kóligi turǵan.
Oqıǵa saldarynan eki adam zardap shekti. Ekeýi de kúıik alyp, aýrýhanaǵa jetkizildi.
Órtti sóndirýge jeke quramnan 56 adam jáne 30 tehnıka jumyldyryldy. Oqıǵa ornynda TJM Apattar medıtsınasy ortalyǵynyń mamandary da jumys istedi.
Órttiń shyǵý sebepteri men mán-jaıy anyqtalyp jatyr.
Aıta ketelik Atyraýdaǵy mamandandyrylǵan mektep-lıtseı órtengen edi.
