Shymkentte kóshede kele jatqan kólik órtenip ketti

ShYMKENT. KAZINFORM - Lada Priora kóligi jol ústinde órtke orandy.

Oqıǵa J.Adyrbekov kóshesinde boldy. Kóliktiń matory ornalasqan aımaqtan shyqqan órt, birden jaıylyp ketken. Oqıǵa ornyna jedel jetken órt sóndirýshiler birden jalyndy sóndirý jumystaryn júrgizdi.

«Zardap shegýshiler joq. Qazir órttiń shyǵý sebepteri anyqtalyp jatyr. Kólik ıelerinen órt qaýipsizdik talaptaryn qatań saqtap, elektr symdaryna tehnıkalyq qyzmet kórsetý jumystaryn júıeli túrde júrgizip otyrýdy suraımyz» - delingen Shymkent qalasy Tótenshe jaǵdaı departamentiniń baspasóz qyzmeti habarlamasynda.