Shymkentte kóshede 5-synyp oqýshysyn urǵan jasóspirimge qatysty qylmystyq is qozǵaldy
ShYMKENT. KAZINFORM — Áleýmettik jelide Shymkentte er adamnyń balany soqqyǵa jyqqan sáti beınelengen vıdeo tarady.
Shymkent qalasy polıtsııa departamentiniń málimetinshe, atalǵan oqıǵaǵa qatysty qylmystyq is qozǵaldy. Belgili bolǵandaı, olar — kórshi turatyn 10-synyp jáne 5-synyp oqýshylary.
— Oqıǵaǵa qatysýshylar ata-analarymen birge polıtsııaǵa jetkizildi. Tekserý barysynda buǵan deıin kámeletke tolmaǵandar arasynda janjal bolǵany anyqtaldy. Keıin 10-synyp oqýshysy ony kóshede kezdestirip, kúsh qoldanǵan, — delingen habarlamada.
Polıtsııa mundaı áreketterge jol berilmeıtinin jáne janjaldyń mán-jaıyna qaramastan, olarǵa mindetti túrde quqyqtyq baǵa beriletinin atap ótti.
— Kámeletke tolmaǵan balalardyń ata-anasy balany tárbıeleý jónindegi mindetterin tıisinshe oryndamaǵany úshin jaýapkershilikke tartyldy. Materıaldar kámeletke tolmaǵandar isteri jónindegi komıssııaǵa joldandy, — dep málimdedi vedomstvo.
Budan buryn Atyraý qalasyndaǵy mektepterdiń birinde 9-synyp oqýshysy 8-synypta oqıtyn qyzdy úshkir zatpen jaraqattaǵanyn jazǵan edik.
