Shymkentte kóshi-qon qyzmetkeri azamattardy zańsyz tirkeýge qoıǵan

Shymkent qalasynyń prokýrorlary áleýmettik nesıelik turǵyn úı alýdyń qylmystyq shemasyn anyqtady, dep habarlaıdy Kazinform.

Kóshi-qon polıtsııasy qyzmetkeriniń 16 adamǵa qatysty áleýmettik baspana alý úshin turǵylyqty tirkelý ýaqytyna zańsyz ózgeris engizý faktisi belgili boldy.

"Jınaqtalǵan qujattar Qylmystyq kodekstiń 369-babynyń 2-1-bóliginiń negizinde SDTBT-ge tirkeldi (quqyq qorǵaý organynyń qyzmetkeri jasaǵan qyzmettik jalǵandyq) jáne tergeý aıaqtalǵannan keıin qylmystyq is sotqa joldandy.

Sotta kóshi-qon polıtsııasy qyzmetkeriniń kinási tolyq dáleldenip, ol «polıtsııa maıory» sheninen aıyrýmen 1,5 jylǵa sottaldy", - dep jazdy baqylaýshy organnan.

Sonymen qatar taǵy 147 adamdy jalǵan tirkeýge qoıý faktisine qatysty qylmystyq is boıynsha tergep-tekserý jalǵasýda.

Qazirgi ýaqytta kezekke jalǵan tirkelý múmkindigin boldyrmaıtyn jáne negizsiz ótinishterdi súzýge múmkindik beretin jańa avtomattandyrylǵan júıe engizildi.