Shymkentte kortej jasaǵan mopedshiler jaýapqa tartyldy
ShYMKENT. KAZINFORM — Mopedshiler kólik qozǵalysyna kedergi jasaǵan.
Jıyrmaǵa jýyq moped tizgindegen jas jigit túngi ýaqytta qala kóshelerinde zań buzýshylyqtarǵa jol bergen.
Beınebaqylaý kameralary arqyly baıqaǵan jedel basqarý ortalyǵynyń ınspektorlary olardy ustaýǵa patrýldik polıtseılerdi baǵyttady.
Jol qozǵalysy qaǵıdalaryn buzýshylar ákimshilik jaýapkershilikke tartyldy, al paıdalaný talaptaryna saı kelmeıtin kólik quraldary aıypturaqqa qoıyldy.
— Polıtsııa jol júrý erejelerin qatań saqtaý jol-kólik oqıǵalarynyń aldyn alatynyn eske salady, — delingen Shymkent qalasy polıtsııa departamentiniń baspasóz qyzmeti taratqan aqparatta.
Aıta keteıik, budan buryn áleýmettik jelide tikeleı efırge shyqqan shymkenttik kólik júrizýshisi jaýapqa tartylǵan bolatyn.