Shymkentte kóptegen jyldan beri bos turǵan mádenıet úıi memleket menshigine ótedi
Shymkentte kóptegen jyldan beri bos turǵan «Fosforshylar» mádenıet úıi jastar saraıy aınalady. Bul týraly Shymkent qalasynyń ákimi Ǵabıt Syzdyqbekov óziniń áleýmettik jelidegi paraqshasynda jazdy, dep habarlaıdy Kazinform.
Shymkent qalasynda birneshe jyldan beri bos turǵan «Fosforshylar» mádenıet úıi memleket menshigine ótedi. Qanshama jyldan beri qańyrap turǵan ǵımarat endi jastardyń bas qosyp, mádenı is-shara ótkizetin ortalyǵyna aınalady.
«13 qarasha kúni fosforshylar mádenıet úıin qalanyń kommýnaldyq menshigine qaıtarý boıynsha kelisimge qol jetkizildi. Ary qaraı ǵımaratty kópfýnktsıonaldy Jastar saraıy retinde qaıta qalpyna keltirý jáne aýmaǵyn abattandyrý jumystary júrgiziletin bolady. Fosforshylar saraıy qalanyń eń kórikti jerleriniń birine aınalatynyna jáne jáne halyq ıgiligine qyzmet etetinine senimdimin», - dep jazdy Ǵabıt Syzdyqbekov.
