11:27, 06 Qarasha 2024 | GMT +6
Shymkentte kópirden sekirmek bolǵan qyzdyń áreketi vıdeoǵa túsip qaldy
ShYMKENT. KAZINFORM – Oqıǵa ornyna jetken tártip saqshysy boıjetkendi qutqaryp, qaýipsiz jerge alyp shyqty.
Oqıǵa keshe túnde bolǵan. Kóshe qıylysyndaǵy kópirden sekirgeli turǵan qyzdy kórgen kezdeısoq kýáger birden polıtsııaǵa habar bergen. Bir jarym mınýt ishinde oqıǵa ornyna jetken patrýldik polıtsııa ınspektory Meıirjan Barat kópir qorshaýyna shyǵyp turǵan qyzdy birden ustap alyp, qaýipsiz jerge alyp shyqty. Bul árekettiń barlyǵy polıtseıdiń beınejetonyna túsip qalǵan.
«Qýanyshqa oraı, men jaqyn jerde boldym. Úlgerdim. Bul meniń mindetim», - deıdi tártip saqshysy.
Shymkent qalasy polıtsııa departamentiniń baspasóz qyzmeti qazirgi tańda turǵynnyń ómiri men densaýlyǵyna qaýip tónip turǵan joq ekenin aıtty.
