Shymkentte kópqabatty úıden qulaǵan 22 jastaǵy jigit kóz jumdy
ShYMKENT. KAZINFORM – Shymkent qalasynda kópqabatty turǵyn úıdiń aýlasynan adamnyń denesi tabylǵany týraly vıdeo áleýmettik jelilerde tarady.
Beınejazbada oqıǵanyń Qonaev dańǵyly men Rysqulov kóshesiniń qıylysynda bolǵany aıtylǵan. Sondaı-aq kadrlarda polıtsııa qyzmetkerleriniń kelgeni kórinedi.
Jaǵdaıǵa qatysty Shymkent qalalyq polıtsııa departamenti túsinik berdi.
Vedomstvonyń málimetinshe, 1 qarashada «BIIK» turǵyn úı kesheninde bıiktikten qulaý saldarynan 22 jastaǵy er adam qaza tapqan.
– Atalǵan derek boıynsha polıtsııa qylmystyq is qozǵady. Sotqa deıingi tergep-tekserý júrgizilip, oqıǵanyń barlyq mán-jaıy anyqtalyp jatyr, – delingen polıtsııa habarlamasynda.
Sondaı-aq polıtsııa QR QPK-niń 201-babyna sáıkes ózge aqparat jarııa etýge jatpaıtynyn habarlady.
Buǵan deıin Shymkentte er adam 16 qabattan qulap kóz jumǵanyn habarlaǵan edik.
