Shymkentte kópqabatty turǵyn úıden er adamnyń denesi tabyldy

ShYMKENT. KAZINFORM – Shymkenttegi Asqarov jáne Mangeldın kósheleriniń qıylysynda ornalasqan kópqabatty úılerdiń birinen adam máıiti tabyldy.Atalǵan jaıtqa qatysty qalalyq polıtsııa departamenti qylmystyq is qozǵady.

– Páterde órtten keıin tabylǵan er adamnyń ólimi faktisi boıynsha polıtsııa qylmystyq is qozǵady. Qazirgi ýaqytta istiń mán-jaılaryn anyqtaýǵa baǵyttalǵan tergeý áreketteri júrgizilip jatyr, – delingen Polıtsııa habarlamasynda. 

Oqıǵanyń mán-jaıy anyqtalǵan soń naqty protsessýaldyq sheshim qabyldanady. 

Budan buryn Shymkentte 21 jastaǵy qyzdy pyshaqtap óltirdi degen kúdikti ustalǵanyn jazǵan edik.

– Qazirgi tańda 28 jastaǵy Shymkent qalasynyń turǵyny ýaqytsha ustaý ızolıatoryna qamaldy. Aldyn ala málimetke sáıkes, kúdikti marqummen buryn tanys bolǵan. Qylmystyń sebepteri men mán-jaıy tergeý barysynda anyqtalady, - dep habarlady qalalyq Polıtsııa departamenti.