Shymkentte kópbalaly analarǵa 5 AEK mólsherinde bir rettik qarjylaı kómek beriledi

ShYMKENT. KAZINFORM - 8 naýryz – halyqaralyq áıelder kúnine oraı «Altyn alqa» jáne «Kúmis alqa» ıegerlerine 18 460 teńgeden tólenedi.

«2019 jyldan beri qala máslıhatynyń sheshimi negizinde jumyspen qamtý jáne áleýmettik qorǵaý basqarmasy tarapynan «Altyn alqa», «Kúmis alqa» belgileri ıegerlerine jyl saıyn bir rettik áleýmettik tólem tólenedi» - delingen Shymkent qalasy ákiminiń baspasóz qyzmeti usynǵan aqparatta.

Qazir tańda Shymkentte 64 134 kópbalaly ana bar, onyń ishinde 12 608-i «Altyn alqa», «Kúmis alqa» ıegerleri.

Jergilikti bıýdjetten bir rettik tólem atalǵan sanattaǵy analarǵa 5 AEK mólsherinde, ıaǵnı 18 460 teńgeden tólenedi.