Shymkentte kongo-qyrym gemorragııalyq qyzbasynan 1 adam qaıtys boldy

ShYMKENT. KAZINFORM. Shymkentte úsh adam  kongo-qyrym gemorragııalyq qyzbasyn juqtyrǵan. Onyń bireýi kóz jumdy. Kene shaqqan taǵy bir adamnyń qanyna qajetti taldaý júrgizilip jatyr.

Dárigerlerdiń aıtýynsha, kene shaqqan 3 adam aýrýhanaǵa jatqyzylǵan. Ekeýi qalalyq juqpaly aýrýlar aýrýhanasynda em alyp, úıine shyǵarylǵan. Al úshinshi naýqas Túrkistan oblysy Saıram aýdanynan jetkizilgen. 61 jastaǵy er adam úsh kún jansaqtaý bóliminde jatypty. Aq halattylar qajetti em-domnyń barlyǵyn jasaǵanymen, naýqasty aman alyp qalý múmkin bolmaǵan. Er kisi aýrýhanada kóz jumdy.

Mamandar kene shaqqan kezde ony qolmen julyp tastaýǵa nemese ózge adamǵa qolmen aldyrýǵa bolmaıdy dep otyr. Ondaı kezde dárigerge qaralap, mamannyń qadaǵalaýymen alynýy kerek. Al eger dene qyzýy kóterilip, qanaý belgileri paıda bolsa, shuǵyl túrde dárigerdiń kómegine júginý qajet.

Biz buǵan deıin Qyzylorda oblysynda bıyl kongo-qyrym gemorragııalyq qyzbasyn 4 adam juqtyrǵany týraly jazdyq.

Al oǵan deıin Densaýlyq saqtaý mınıstrligi bıyl 25 598 adam nemese nysanaly toptyń 100 paıyzy kene entsefalıtine qarsy vaktsınatsııalaýdan ótkenin málimdedi.