Shymkentte kólikter asfalt astyna túsip ketti: shyǵyndy kim óteıdi

ShYMKENT. KAZIFORM — Shymkent qalasynda avtokólikter asfalttyń opyrylýynan paıda bolǵan shuńqyrǵa túsip ketti. Oqıǵa Kúnshyǵys shaǵyn aýdanynda bolǵan. 

Bul oqıǵa týraly beınejazbalar áleýmettik jelilerde keń tarady. Kadrlarda birneshe avtokóliktiń shuńqyrǵa túsip ketkeni anyq kórinedi.

— Mine, bizde asfaltty osylaı salady. Shuńqyr qazyp, ústine sál topyraq tastaı salady, al kólik soǵan túsip ketedi. Endi buǵan kim jaýap beredi, — deıdi beınejazba avtory.

Qala ákimdiginiń málimetinshe, oqıǵa aýyzsý júıesine ınjenerlik jeliler tartý qurylys jumystary kezinde bolǵan. Jobanyń tapsyrys berýshisi — «Sý resýrstary — Marketıng» JShS.

— Jerdi qazý jumystary aıaqtalǵan soń, merdiger kompanııa qazylǵan aýmaqty qummen toltyrǵan, ýaqytsha qalpyna keltirý jumystaryn júrgizgen. Alaıda topyraq shógip, ýchaske opyrylyp túsken. Sonyń saldarynan kólikter shuńqyrǵa túsip ketken, — dep habarlady vedomstvo ókilderi.

Merdiger kompanııa zaqymdanǵan kólikterdiń ıelerine keltirilgen shyǵyndy óteýge mindetteldi.

Aıta keteıik, Batys Qazaqstan oblysynda Chapaev pen Jańaqala arasyndaǵy joldyń talapqa saı emestigi týraly aıtylyp keledi. Munda kólik ıeleri jol sapasyna shaǵymdandy.