Shymkentte kólik jóndeý ortalyǵynan órt shyǵyp, eki jumysshy zardap shekti
ShYMKENT. KAZINFORM – Shymkent qalasynyń Turan aýdanyndaǵy avtokólikterge tehnıkalyq qyzmet kórsetý ortalyǵynda órt shyǵyp, eki jumysshyny kúıik shaldy. Olar aýrýhanaǵa jetkizildi.
Kólik jóndeý ortalyǵyndaǵy qoıý tútin men ashyq jalyn beınelengen vıdeolar áleýmettik jelilerde tarady. Jeli qoldanýshylary órt kóliktiń janarmaı bagyn jóndeý kezinde elektr symdarynyń qysqa tuıyqtalýynan shyǵýy múmkin ekenin boljaǵan. Alaıda bul aqparat ázirge resmı túrde rastalǵan joq.
Shymkent qalasynyń tótenshe jaǵdaılar departamentiniń málimetinshe, 17 qazanda saǵat 19:04-te Turan aýdanyndaǵy Temirlan tasjolynda ornalasqan kólik jóndeý ortalyǵynyń birinde órt shyqqany týraly habar túsken.
– Oqıǵa ornyna jetken órt sóndirýshiler barlaý jumystaryn júrgizip, órtti sóndirýge kiristi. Jalyn eki jeńil avtokólikti jáne ǵımarattyń shatyryn sharpydy. Órt 56 sharshy metr aýmaqty qamtydy. Saǵat 19:32-de órt tolyq sóndirilip, jalynnyń odan ári taralýyna jol berilmedi, – dep habarlady Shymkent qalasynyń TJD.
Órt saldarynan kólik jóndeý ortalyǵynyń eki qyzmetkeri jeńil dárejede kúıik shalyp, medıtsınalyq mekemege jetkizildi. Qazir mamandar órttiń naqty sebebin anyqtap jatyr.
Qutqarýshylar órt qaýipsizdigi talaptaryn qatań saqtaýǵa shaqyrdy.
Buǵan deıin Almaty qalasynda 40 konteınerden turatyn qoımada órt shyqqany týraly habarlaǵan edik.
