Shymkentte kólik salyǵy boıynsha bereshegi bar 10 azamat júrgizýshi kýáliginen aıyryldy
ShYMKENT. KAZINFORM — Shymkent qalasynda kólik salyǵy boıynsha bereshegi bar azamattarǵa qatysty óndirip alý jáne shekteý sharalary kúsheıtildi.
Shymkent qalasynda kólik salyǵy boıynsha bereshegi 250 AEK-ten asatyn 44 tulǵaǵa qatysty júrgizýshi kýáliginen aıyrý sharalaryn qoldaný úshin sot organdaryna usynys joldanǵan.
— Sot organdaryna joldanǵan materıaldardyń nátıjesinde 10 boryshker júrgizýshi kýáliginen aıyryldy, — dedi Shymkent qalasy boıynsha Memlekettik kirister departamentiniń bólim basshysy Shoqan Omarbek.
Qazirgi tańda Shymkent qalasy boıynsha Memlekettik kirister departamenti Іshki ister departamentimen birlesip, «Qorǵaý» júıesi arqyly kólik salyǵy boıynsha qaryzy bar tulǵalardy anyqtaý jáne bereshekti óndirip alý baǵytynda turaqty reıdtik is-sharalar júrgizip keledi.
Nátıjesinde 41 boryshkerden 17 mln teńge kóleminde bereshek óndirilse, 12 mln teńge qaryzy bar 33 avtokólik aıyppul turaǵyna jetkizilgen.
Sondaı-aq departament ókilderi salyq bereshegi 500 myń teńgeden asatyn 179 boryshkerge qatysty májbúrlep óndirip alý sharalaryn júrgizip jatyr.
— Bereshek erikti túrde ótelmegen jaǵdaıda, zań talaptaryna sáıkes boryshkerdiń múlkine tyıym salynyp, ony alyp qoıý sharalary qoldanylady, — dedi spıker.
Budan buryn Shymkentte 18 myńǵa jýyq júrgizýshi kólik salyǵyn tólemegeni týraly jazǵan edik.
