Shymkentte qoǵamdyq oryndardy lastaǵan 1600-den asa turǵyn jaýapqa tartyldy
ShYMKENT. KAZINFORM — Ortaq paıdalanatyn oryndardy lastaý aıyppul tóleýge alyp keledi.
Jalpyǵa ortaq paıdalanylatyn oryndardyń lastanýyna baılanysty quqyq buzýshylyqtardy boldyrmaý maqsatynda turaqty túrde profılaktıkalyq is-shara júrgizilip keledi. Jyl basynan beri Shymkentte atalǵan quqyq buzýshylyqtardy jasaǵany úshin 1638 adam ákimshilik jaýapkershilikke tartyldy. Tártip saqshylary belgilenbegen jerlerde qoqys tastaý jaıttaryn jedel basqarý ortalyǵynyń kameralarynyń kómegimen de anyqtaǵan.
— Ortaq paıdalanylatyn oryndardy, saıabaqtardy, skverlerdi lastaý, onyń ishinde belgilenbegen oryndarǵa kommýnaldyq qaldyqtardy tastaý zańnamaǵa sáıkes aıyppul salýǵa alyp keledi. Qalanyń tazalyǵy — ádemi kórinis ǵana emes, sonymen qatar bizdiń densaýlyǵymyzdyń kepili. Osyǵan baılanysty polıtsııa megapolıs turǵyndaryn qorshaǵan ortaǵa uqypty qaraýǵa shaqyrady, — delingen Shymkent qalasy polıtsııa departamentiniń baspasóz qyzmeti usynǵan aqparatta.
Aıta keteıik, budan buryn merekede áıelderdi syılyqsyz qaldyrǵan shymkenttik eki jigit qamaýǵa alynǵanyn jazǵan bolatynbyz.