Shymkentte qoǵamdyq kólikter 2 kún boıy tegin qyzmet kórsetedi

ShYMKENT.KAZINFORM — 21-22 naýryz mereke kúnderi qalalyq qoǵamdyq kólikterde Shymkent qalasynyń turǵyndary men qonaqtary tegin tasymaldanady.

«Naýryz mprekesine oraı qala aýmaǵynda myńǵa tarta qoǵamdyq kólik 77 baǵytta jolaýshylardy tasymaldaýmen aınalysady» - delingen qala ákimdigi taratqan aqparatta. 

Sondaı-aq, Naýryz merekesine oraı, 18 jasqa deıingi jetim balalar men ata-anasynyń qamqorlyǵynsyz qalǵan balalarǵa 20 AEK, al qaza tapqan áskerı qyzmetshilerdiń otbasylary men 18 jasqa deıingi múgedektigi bar balalarǵa 5 AEK mólsherinde jyl saıynǵy bir rettik áleýmettik kómek beriledi.