Shymkentte qoǵamdyq kelisim men etnosaralyq tatýlyq máseleleri talqylandy
ShYMKENT. KAZINFORM — Shymkent qalasynda Qazaqstan Halyq Keńesiniń óńirlik músheleri men qalalyq etnomádenı birlestikter ókilderiniń qatysýymen kezdesý ótti.
Іs-sharaǵa qala ákiminiń orynbasary Sársen Quranbek, Qazaqstan Halyq Keńesiniń músheleri, etnomádenı birlestikterdiń jetekshileri men etnos belsendileri, sondaı-aq «Qoǵamdyq kelisim» mekemesi janyndaǵy qoǵamdyq qurylymdardyń basshylary qatysty.
Kezdesýdiń negizgi maqsaty — jańa qoǵamdyq ınstıtýttyń qyzmeti men mindetterin talqylaý, qoǵamdyq kelisim men jalpyulttyq birlikti nyǵaıtý, memleket pen azamattyq qoǵam arasyndaǵy baılanysty damytý jáne óńir turǵyndaryn tolǵandyratyn ózekti máselelerdi ortaǵa salý.
Jıynda sóz sóılegen qala ákiminiń orynbasary Sársen Quranbek Qazaqstan Halyq Keńesiniń qurylýy men onyń qoǵam ómirindegi róline toqtaldy. Sonymen qatar jańa Konstıtýtsııanyń mańyzy, Memleket basshysynyń Qazaqstan halqyna Joldaýynda belgilengen basym baǵyttar, konstıtýtsııalyq reformalardyń negizgi mindetteri jáne jalpyulttyq qundylyqtardyń mán-mazmuny jóninde keńinen baıandady.
Atap aıtqanda, táýelsizdik pen otanshyldyq, birlik pen yntymaq, ádildik pen jaýapkershilik, zań men tártip, eńbekqorlyq pen kásibı biliktilik, jasampazdyq pen jańashyldyq sekildi qundylyqtardy qoǵam sanasyna sińirýdiń mańyzdylyǵy atap ótildi. Sondaı-aq «Adal azamat», «Taza Qazaqstan» bastamalary men jańa qoǵamdyq etıkany qalyptastyrý máselelerine nazar aýdaryldy.
Kezdesý barysynda Memleket basshysynyń Joldaýynda aıqyndalǵan ekonomıkalyq damý, ınfraqurylymdy jańǵyrtý, tsıfrlandyrý, jasandy ıntellekt tehnologııalaryn engizý, shaǵyn jáne orta bıznesti qoldaý, sondaı-aq «Zań men tártip» qaǵıdatyn júzege asyrý baǵyttary da sóz boldy.
Budan bólek, jaqynda ótken «Qazaq tili» qoǵamynyń H mereıtoılyq quryltaıynyń mańyzy men onda kóterilgen máseleler, memlekettik tildiń qoldanys aıasyn keńeıtý, ulttyq qundylyqtardy dáripteý jáne qoǵamdyq sanany jańǵyrtý baǵytyndaǵy bastamalar talqylandy.
Óz kezeginde qatysýshylar etnosaralyq tatýlyqty saqtaý, qoǵamdyq kelisimdi nyǵaıtý, jastar bastamalaryn qoldaý, medıatsııa ınstıtýtyn damytý, qoǵamdyq dıalogty keńeıtý jáne memlekettik organdarmen ózara yntymaqtastyqty jetildirý jónindegi usynys-pikirlerin ortaǵa saldy.
Jıynda etnomádenı birlestikterdiń qoǵamdaǵy róline de erekshe mán berildi. Olardyń mádenı murany saqtaý, ulttyq dástúrlerdi dáripteý, óskeleń urpaq tárbıesine úles qosý jáne jalpyulttyq birlikti nyǵaıtý baǵytyndaǵy qyzmetin odan ári jandandyrý qajettigi atap ótildi.
Aıta keteıik, Shymkent qalasynan úsh azamat Qazaqstan Halyq Keńesiniń quramyna endi. Olar — qalalyq túrik etnomádenı birlestiginiń tóraǵasy Latıpsha Asanov, jýrnalıst, qalalyq Qoǵamdyq keńestiń múshesi Ábdez Imanqulov jáne kórkem gımnastıka sheberi, Qazaqstan ulttyq gımnastıka federatsııasynyń prezıdenti Álııa ıÝsýpova.
Kezdesý ashyq pikir almasý formatynda ótip, qatysýshylar ózderin tolǵandyrǵan máselelerdi kóterip, aldaǵy jumys baǵyttary boıynsha usynystaryn jetkizdi.
Jıyn qorytyndysynda qoǵamdyq kelisimdi saqtaý, etnosaralyq tatýlyqty nyǵaıtý, azamattyq qoǵam ınstıtýttarymen ózara is-qımyldy damytý jáne ortaq bastamalardy júzege asyrý baǵytyndaǵy jumysty júıeli túrde jalǵastyrý qajettigi atap ótildi.
