Shymkentte qyzylshamen aýyrǵandardyń 90 paıyzy ekpe almaǵan

Shymkentte qyzylsha juqtyrǵandardyń 90 paıyzy ekpe almaǵan, dep habarlaıdy Kazinform.

Shymkent qalasy boıynsha qyzylshamen aýyrǵandar sany 2 312-ge jetti. Naýqastardyń 80 paıyzǵa jýyǵyn 14 jasqa tolmaǵan balalar quraıdy.

Sondaı-aq mamandardyń sózinshe, atalǵan aýrýdy juqtyrǵandardyń 90 paıyzy ekpe almaǵan. Sondyqtan dárigerler kópshilikti ekpeni ýaqytyly qabyldaýǵa shaqyrýda. 

«Qalada 2021-2022 jyldary qyzylsha aýrýy tirkelmegen. Al bıyl kún saıyn turǵyndar arasynda qyzylsha aýrýshańdyǵynyń taralýy beleń alyp, órshýde. Qyzylshanyń aldyn alýdyń eń tıimdi, senimdi jáne balamasyz joly — vaktsınatsııa. Qyzylshaǵa qarsy egý — vırýsty jasandy jolmen toqtatý. Nátıjesinde aǵza ózin turaqty qorǵaıtyn ımmýnıtet qalyptastyrady», — deıdi Shymkent qalasynyń SEBD bólim basshysy Janar Jaqsylyqova.