Shymkentte qyzylsha juqtyrǵandar sany 3 myńǵa jetti

Shymkentte qyzylsha juqtyrǵandar sany 3 myńǵa jetti, dep habarlaıdy Kazinform.

Shymkent qalasynda qyzylsha aýrýyn 3021 adamnyń juqtyrǵany anyqtaldy. Naýqastardyń 84,9 paıyzyn 14 jasqa deıingi balalar qurap otyr. Onyń ishinde 88,8 paıyzy ekpe almaǵan. Qazir Shymkent qalasynda epıdemıologııalyq jaǵdaıǵa baılanysty jedel járdem qyzmeti, statsıonar men emhanalar kúsheıtilgen rejımde jumys isteýge kóshti. Al, qalalyq juqpaly aýrýlar aýrýhanasynyń tósek orny 120-dan 260-qa deıin kóbeıtildi. Qosymsha qalalyq klınıkalyq balalar aýrýhanasynda 30 tósektik oqshaýlaý bólimshesi ashyldy.

«Qala aýmaǵynda kún saıyn turǵyndar arasynda qyzylsha aýrýshańdyǵy beleń alýda. Ekpe almaǵandar men vaktsınadan bas tartýshylar kóbeıse, ujymdyq ımmýnıtet tómendeıdi. Bıylǵy 10 aıda qala boıynsha qyzylsha, qyzamyq, epıdparatıtke qarsy josparly ekpeniń 1-komponentin 12-15 aılyq 25356 bala jáne 2-komponentin 6 jastaǵy 24029 bala aldy» - delingen Shymkent qalasy ákimdigi taratqan aqparatta.