Shymkentte qyzylsha juqtyrǵandardyń sany 2700-ge jetti

Shymkentte qyzylsha juqtyrǵandar sany 2700 jetti, dep habarlaıdy Kazinform.

Shymkentte qyzylshaǵa qatysty epıdemıologııalyq ahýal kúrdelene tústi. Jyl basynan beri qyzylshamen naýqastanǵandar sany 2702 jetti. Aýyrǵandardyń 80-85%-y 14 jasqa deıingi balalar bolsa, onyń ishinde basym kópshiligin 6 jasqa tolmaǵan jetkinshekter qurap otyr.

Qazir Shymkentte qyzylshaǵa qarsy jappaı ımmýndaý júrgizilýde.

«Qyzylsha tez taralady. Halyqta qyzylshaǵa qarsy ımmýnıteti joq adamdardyń sany neǵurlym kóp bolsa, árbir adamnyń aýrýdy juqtyrý qaýpi soǵurlym joǵary bolady. Qyzylshanyń aldyn alýdyń eń tıimdi ádisteriniń biri – vaktsınatsııa. Bir eskeretini, qyzylshamen aýyrǵan adamdar egilmeıdi! Al aldyn alý úshin qalanyń barlyq alǵashqy medıtsınalyq-sanıtarııalyq kómek kórsetý mekemelerinde demalyssyz tegin deni saý adamdarǵa qosymsha jappaı ımmýndaý júrgizilip jatyr» - dedi Shymkent qalasy SEBD basshysynyń orynbasary Aıgúl Turymbetova.