Shymkentte kıberpolıtseıler iri ınternet-alaıaqtyq shemasyn anyqtady

ShYMKENT.KAZINFORM - Shymkentte kıberpolıtseıler iri ınternet-alaıaqtyq shemasyn anyqtady, – dep habarlaıdy Polisia.kz.

Polıtsııa ınternet-alaıaqtyqqa qarsy kúresti qarqyndy túrde jalǵastyryp jatyr. Turaqty jumys barysynda qalalyq Polıtsııa departamentiniń kıberqylmysqa qarsy is-qımyl basqarmasynyń qyzmetkerleri ınternet-alaıaqtyq derekterine qatysy bar er adamdy ustady.

Tergeý barysynda Qyzylorda oblysynyń turǵyny «jeńil tabys» tabý maqsatynda dropperlik shemany uıymdastyrýshy retinde áreket etkeni anyqtaldy. Ol tanystarynyń bank kartalaryn jınap, messendjerler arqyly úshinshi tulǵalarǵa ótkizgen. Keıin bul kartalar alaıaqtyq shemalarda qoldanylǵan.

Belgisiz tulǵadan túsken qońyraýǵa senip, 32 mıllıon teńgeden aıyrylǵan jergilikti turǵyn polıtsııaǵa aryzdanǵan. Jedel-izdestirý sharalary barysynda kıberpolıtseıler kúdiktini anyqtap, ustady. Tergeý kezinde onyń uqsas alaıaqtyq deregine qatysy bar ekeni anyqtaldy.

Ekinshi jábirlenýshi 6 mıllıon teńgeden astam qarajatynan aıyrylǵan. Jalpy keltirilgen shyǵyn 40 mıllıon teńgeden asady.

Polıtsııa turǵyndardy qaýipsizdik sharalaryn saqtaýǵa shaqyrdy.

- Belgisiz tulǵalardyń aıtýymen aqsha aýdarmańyzdar, - dedi polıtsııadan.

Aıta keteıik, nesıelerdi «esepten shyǵaramyz» dep ýáde bergen alaıaqtarǵa sot úkimi shyqty.

Áleýmettik jelidegi tanysý týraly jazbalardyń artynda alaıaqtar turýy múmkin.

Alaıaqtarǵa aldanyp, baspanasyn satqan 49 adamnyń ekeýi ǵana isti sotqa jetkize alǵan.