Shymkentte kıberpol ınternet-alaıaqtarǵa qyzmet kórsetken arnany joıdy
ShYMKENT. KAZINFORM – Shymkent qalasynda kıberqylmysqa qarsy is-qımyl basqarmasynyń qyzmetkerleri ınternet-alaıaqtardy qazaqstandyq SIM-kartalarmen qamtamasyz etip kelgen arnanyń jolyn kesti.
Júrgizilgen muqııat taldaý jáne jedel is-sharalar nátıjesinde alaıaqtardy qazaqstandyq baılanys operatorlarynyń abonenttik nómirlerimen qamtamasyz etken tulǵalar anyqtaldy.
Bul nómirler azamattarǵa, onyń ishinde shetelde jasalatyn alaıaqtyq qońyraýlarǵa paıdalanylǵan. Birinshi SIM-kartalardy jappaı tirkep, úshinshi tulǵalarǵa WhatsApp messendjerindegi rastaý kodtaryn berip otyrǵan er adam ustaldy.
Osylaısha alaıaqtar qazaqstandyq nómirlerge tirkelgen akkaýnttardy óz baqylaýyna alyp, qylmystyq shemalarda qoldanǵan. Jedel is-sharalar barysynda kıberpolıtsııa qyzmetkerleri ekinshi qatysýshyny anyqtady.
Ol –telefondarǵa arnalǵan aksessýarlar dúkeniniń satýshysy. Klıentterdiń jeke derekterin paıdalanyp, olardyń atyna qosymsha abonenttik nómirler rásimdep, ótkizip otyrǵan. Atalǵan arna arqyly 3 myńnan astam abonenttik nómir paıdalanýǵa qosylyp, ınternet-alaıaqtyq áreketterde qoldanylǵany belgili boldy.
Kúdiktiler qamaýǵa alyndy. Sotqa deıingi tergeý áreketteri júrgizilip jatyr.
Aıta ketelik Túrkistan oblysynda zańsyz snıýs óndiretin úsh jasyryn tseh joıyldy.