Shymkentte keptelis jıi bolatyn qıylysta jolaıryq qashan salynady
ShYMKENT. KAZINFORM – Shymkentte keptelis kóp bolatyn Báıdibek bı dańǵyly men Tólemetov kóshesiniń qıylysy jáne kishi aınalma jolǵa jolaıryq salýǵa qazynadan 9,4 mlrd teńge jumsalmaq.
– Qala aýmaǵyndaǵy kólik qozǵalysyn retteý, jol kóligi ınfraqurylymyn jaqsartý jáne keptelisterdi azaıtý maqsatynda Báıdibek bı dańǵyly men shaǵyn aınalma jol qıylysynda, ıaǵnı Tólemetov kóshesiniń boıynda jolaıryq salý jobasyna lot jarııalanǵan. Qazirgi tańda memlekettik satyp alý rásimderi zańnamaǵa saı júrgizilip jatyr. Ázirge merdiger anyqtalǵan joq. Bıylǵa 9 mlrd teńgeden asa qarajattyń tek 240 mln teńgesi qarastyrylǵan, – dedi qala ákiminiń orynbasary Sársen Quranbek baspasóz brıfınginde.
Jaýapty basqarmanyń málimetinshe, qurylys barysynda jol tolyq jabylmaıdy, bir baǵytynda jumys aıaqtalǵan soń kelesi baǵyttyń bóliginde jalǵasady.
Budan buryn Shymkentte qyzanaq ósiretin elimizdegi eń iri jylyjaı ashylǵanyn jazǵan edik.