Shymkentte kedergi keltirilgen quny 800 mln teńge bolatyn jobanyń máselesi sheshildi
ASTANA. KAZINFORM — Shymkent qalasynyń Abaı aýdanynda quny 800 mln teńge bolatyn ınvestıtsııalyq jobany júzege asyrýǵa kedergi keltirgen ınfraqurylymdyq máseleler sheshimin tapty. Prokýratýranyń aralasýymen nysan gazben qamtamasyz etilip, kireberis joldar salyndy. Nátıjesinde 20-dan astam jańa jumys ornyn ashýdy kózdeıtin joba tolyqqandy iske asyrylmaq.
Shymkent qalasynyń ındýstrııalyq aımaǵynda quny 800 mln teńgeni quraıtyn qurǵaq qoıma salý boıynsha ınvestıtsııalyq joba júzege asyrylyp jatyr. Joba aıasynda 20-dan astam jańa jumys ornyn qurý jáne óńirdiń logıstıkalyq ınfraqurylymyn damytý kózdelgen.
Prokýratýranyń málimetinshe, jobany iske asyrý barysynda ınvestor birqatar ınfraqurylymdyq kedergilerge tap bolǵan, atap aıtqanda gazben qamtýdyń bolmaýy jáne jer ýchaskesine kireberis joldardyń qıyndyǵy qurylys qarqynyn aıtarlyqtaı tejegen.
Atalǵan máseleler ınvestıtsııalyq jobany prokýrorlyq súıemeldeý sheńberinde anyqtaldy. Shymkent qalasy Abaı aýdanynyń prokýratýrasy Investorlardyń quqyqtaryn qorǵaý komıtetimen úılestirý arqyly qadaǵalaý sharalaryn qabyldady.
Nátıjesinde obektige gaz qubyry tartylyp, kireberis joldar da qamtamasyz etildi. Bul negizgi ınfraqurylymdyq kedergilerdi joıyp, jobany odan ári iske asyrýǵa múmkindik berdi.
Qazirgi tańda joba qalypty jumys tártibinde júzege asyrylyp jatyr.
Aıta keteıik, ShQO-da prokýratýra aralasqannan keıin 811 turǵyn qajetti dári-dármekpen qamtamasyz etildi.
