Shymkentte Qazıev kóshesiniń jalǵasy paıdalanýǵa berildi
ShYMKENT.KAZINFORM - Shymkenttiń Abaı aýdanynda kólik qozǵalysyn jeńildetýge baǵyttalǵan jańa jol ýchaskesi paıdalanýǵa berildi. Qazıev kóshesiniń Arǵynbekov kóshesinen Tólemetov kóshesine deıingi jalǵasy boıynsha qurylys jumystary tolyq aıaqtaldy.
Joba Shymkent qalasynyń Bas josparyna sáıkes júzege asyrylǵan. Qurylys jumystaryn júrgizý úshin 2025 jyldyń aqpan aıynda qalalyq Jolaýshylar kóligi jáne avtomobıl joldary basqarmasy men «Korporatsııa Bereke A» JShS arasynda memlekettik satyp alý týraly kelisimshart jasalǵan.
Joba aıasynda tórt jolaqty avtomobıl joly salynyp, jol jıegine ırrıgatsııalyq júıe ornatyldy. Sonymen qatar qajetti jol ınfraqurylymy jasalyp, aýmaqty abattandyrý jumystary júrgizildi.
Jańa joldyń iske qosylýy qalanyń soltústik baǵytyna shyǵatyn kólik aǵynyn rettep, keptelisti azaıtýǵa múmkindik beredi. Sondaı-aq ol Báıdibek bı dańǵylyna balama baǵyt qalyptastyrady.
Joldyń ashylýy Aqjaıyq jáne Shymsıtı shaǵyn aýdandarynyń turǵyndary úshin de mańyzdy. Jańa kólik dálizi atalǵan aýmaqtardan qala ortalyǵyna qatynaýdy jeńildetip, turǵyndardyń jol júrý ýaqytyn qysqartýǵa jáne kólik qozǵalysynyń qolaılylyǵyn arttyrýǵa yqpal etedi.
Osylaısha, Qazıev kóshesiniń jalǵasy Shymkenttiń kólik ınfraqurylymyn damytýǵa jáne qaladaǵy jol qozǵalysyn ońtaılandyrýǵa baǵyttalǵan mańyzdy jobalardyń birine aınaldy.
