Shymkentte Qazaqstan Táýelsizdiginiń 35 jyldyǵy aıasynda «Ordabasy» komandasynyń chempıondyǵyna oraı saltanatty jıyn ótti

«Astana» alańynda uıymdastyrylǵan saltanatty keshke qala turǵyndary men qonaqtary jınalyp, komandanyń tarıhı jetistigin birge atap ótti.

Qazaqstan Respýblıkasy Táýelsizdiginiń 35 jyldyǵyna oraı ótken sharada klýb oıynshylary men bapkerler quramyna chempıondyq altyn medaldar tabystalyp, jeńimpaz kýbogy saltanatty túrde tapsyryldy.

Jıynda Shymkent qalasynyń ákimi Ǵabıt Syzdyqbekov fýtbolshylardy jeńisimen quttyqtap, chempıondyq jetistiktiń artynda úlken eńbek pen komandalyq birlik turǵanyn atap ótti. Sondaı-aq klýbqa qoldaý kórsetken «Integra» kompanııasynyń basshylyǵyna, bapkerlerge jáne jankúıerlerge alǵys bildirdi.

Al klýb prezıdenti ári dırektorlar keńesiniń tóraǵasy Darhan Qyzaıbaı bul jeńistiń búkil qala turǵyndaryna ortaq qýanysh ekenin jetkizdi. Onyń aıtýynsha, komanda segiz aı boıy daıyndalyp, chempıondyq maqsatqa jetý jolynda aıanbaı eńbek etken. Aldaǵy ýaqytta «Ordabasyny» halyqaralyq deńgeıde tanytý kózdelip otyr.

Merekelik keshte tanymal óner ıeleri Qaırat Nurtas pen Bayansulu óner kórsetip, kópshilikke kóterińki kóńil kúı syılady. Shara sońy merekelik otshashýmen túıindeldi.

Aıta keteıik, 25 qazanda ótken chempıonattyń qorytyndy kezeńinde 68 upaı jınaǵan «Ordabasy» merziminen buryn Qazaqstan chempıony atandy. Osylaısha, shymkenttik klýb óz tarıhynda ekinshi ret el birinshiliginiń altyn júldesin ıelendi. Bul nátıje komandaǵa aldaǵy maýsymda ÝEFA Chempıondar lıgasynyń irikteý kezeńinde el namysyn qorǵaýǵa múmkindik beredi.