Shymkentte Qazaqstan Eýrazııalyq úkimetaralyq keńestiń keńeıtilgen quramdaǵy otyrysy bastaldy
ShYMKENT. KAZINFORM – Eýrazııalyq úkimetaralyq keńes (EÚAK) otyrysy bastalar aldynda delegatsııa basshylaryn sýretke túsirý rásimi ótti, dep habarlaıdy Úkimettiń bapasóz qyzmeti.
Qazaqstan Respýblıkasynyń Premer-mınıstri Oljas Bektenovtiń tóraǵalyǵymen ótip jatqan otyrysqa Belarýs Respýblıkasynyń Premer-mınıstri Aleksandr Týrchın, Mınıstrler kabınetiniń tóraǵasy – Qyrǵyz Respýblıkasy Prezıdenti Ákimshiliginiń basshysy Adylbek Kasymalıev, Reseı Federatsııasy Úkimetiniń tóraǵasy Mıhaıl Mıshýstın, Armenııa Respýblıkasynyń vıtse-premeri Mger Grıgorıan, sondaı-aq Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev qatysady.
Baqylaýshy memleketterden Ózbekstan Respýblıkasynyń Premer-mınıstri Abdýlla Arıpov, Kýba Respýblıkasy Premer-mınıstriniń orynbasary – syrtqy saýda jáne sheteldik ınvestıtsııalar mınıstri Oskar Peres-Olıva Fraga, sondaı-aq Iran Islam Respýblıkasynyń Qazaqstandaǵy elshisi Alı Akbar Djoýkar bar.
Osyǵan deıin Shymkentte Qazaqstan Respýblıkasynyń Premer-mınıstri Oljas Bektenovtiń tóraǵalyǵymen Eýrazııalyq úkimetaralyq keńestiń shaǵyn formattaǵy otyrysy ótken bolatyn.
Otyrys barysynda qatysýshylar saýda-ekonomıkalyq qatynastardy odan ári damytý, tsıfrlyq tehnologııalar men jasandy ıntellekt salasyndaǵy ózara is-qımyl máseleleri boıynsha pikir almasty. Jıyn «Indýstrııa 5.0: Ózara is-qımyl kúshi» taqyrybyna arnalǵan Digital Qazaqstan 2026 halyqaralyq tsıfrlyq forýmynyń qarsańynda ótkizilip otyrǵanyn atap ótken jón, bul da kópjaqty dıalogty tereńdetýge yqpal etedi.
