Shymkentte qaza tapqan sarbaz jer qoınyna tapsyryldy
ShYMKENT. KAZINFORM – Ásker qatarynda qaza tapqan 19 jastaǵy Dinmuhamed Shynarbekov búgin Shymkent qalasynda jerlendi.
Jas sarbaz ásker qatarynda nebári bes aı ǵana qyzmet etken. Tamyz aıynyń sońynda ǵana 19 jasqa tolǵan Dinmuhamed Almaty oblysy Jambyl aýdanyna qarasty Matybulaq aýylyndaǵy áskerı bólimde boryshyn ótep júrgen.
Marqumnyń týystary sýıtsıd nusqasyna senbeıtinin aıtyp, oqıǵanyń mán-jaıyn ádil ári beıtarap tergeýdi talap etti.
— Ony óltirip, tunshyqtyrǵan, sodan keıin ǵana ilip qoıǵan. Bul – kisi óltirý. Keıin ádeıi asylyp qalǵandaı etip kórsetken, – dep ashyndy týystary.
Belgili bolǵandaı, Dinmuhamed pen onyń egizi Danııal áskerge ártúrli ýaqytta shaqyrylǵan. Danııal byltyr kúzde boryshyn óteı bastaǵan, al Dinmuhamed bıyl kóktemde ásker qataryna attanǵan. Olar ártúrli áskerı bólimge bólinip jiberilgen.
Qaıǵyly jaǵdaı Matybulaqtaǵy áskerı bólim aýmaǵynda bolǵan. Qazir bul iske baılanysty tergeý amaldary júrgizilip jatyr.
Aıta keteıik, budan buryn Shymkentte saýda ortalyǵy órtke oranǵanyn jazǵan bolatynbyz.