Shymkentte qaıtarylǵan aktıvter esebinen 300 oryndyq jataqhana salynyp jatyr

ShYMKENT. KAZINFORM –  Shymkent qalasynda qaıtarylǵan aktıvter esebinen erekshe oqytýdy qajet etetin oqýshylar bilim alatyn kolledj jataqhanasynyń qurylysy júrgizilip jatyr.

Bul áleýmettik nysan 300-ge jýyq sóıleý jáne t.b. kemistigi bar oqýshylardy zamanaýı jaıly jatyn orynmen qamtamasyz etýge baǵyttalǵan.

Jataqhanada oqýshylarǵa qajetti barlyq jaǵdaı jasalǵan: medıtsına kabıneti, sportpen jattyǵý, tynyǵý bólmeleri jáne t.b. Qazirgi ýaqytta ǵımarattyń qabyrǵasyn órý jumystary júrgizilip jatyr.

Jobany osy jyldyń jeltoqsan aıynda aıaqtap, qalalyq Bilim basqarmasyna paıdalanýǵa tapsyrý josparlanǵan.

- Jobany júzege asyrý merzimi men qurylys jumystarynyń sapasy baqylaýda. Halyqtyń ómir súrýin jaqsartýǵa tikeleı áser etetin jaıly jaǵdaı jasaý maqsatynda qaıtarylǵan aktıvterdi el ıgiligine jumsaý jumystary jalǵasyp jatyr, - delingen qalalyq prokýratýra habarlamasynda.

Aıta keteıik, Túrkistan oblysynda alǵashqy modýldi lager jataqhanasy paıdalanýǵa berildi.