Shymkentte Qaırat Nurtastyń kontserti týraly jalǵan aqparat taratqan áıeldiń isi sotqa joldandy
ShYMKENT. KAZINFORM — Shymkentte Qaırat Nurtastyń kontsertine qatysty áleýmettik jelilerde jalǵan aqparat taratqan áıel anyqtaldy. Oǵan qatysty materıaldar sotqa joldandy.
Qalalyq polıtsııa departamentiniń málimetinshe, áıel kontsert kezinde bolǵan oqıǵa týraly shyndyqqa sáıkes kelmeıtin aqparat jarııalap, turǵyndar arasynda negizsiz alańdaýshylyq týǵyzǵan.
— Polıtsııa qyzmetkerleri júrgizgen is-sharalar nátıjesinde áıeldiń jeke basy anyqtalyp, tıisti materıaldar jınaqtaldy. Qujattar zańda belgilengen tártippen qaraý jáne sheshim qabyldaý úshin sotqa jiberildi, — delingen habarlamada.
Polıtsııa azamattardy jalǵan aqparat taratqany úshin jaýapkershilik bar ekenin eskertip, jarııalanymdardyń shynaıylyǵyn tekserýge úndedi.
Buǵan deıin Shymkentte Qaırat Nurtastyń kontsertinde 8 adamnyń medıtsınalyq kómekke júgingeni jáne osy oqıǵaǵa baılanysty qylmystyq is qozǵalǵany týraly jazǵan edik.
Sondaı-aq kontsertti uıymdastyrýshynyń ustalǵanyn habarlaǵanbyz.
