Ózbekstanda 161 qýǵyn-súrgin qurbany aqtaldy
TAShKENT. KAZINFORM – Ózbekstan Joǵarǵy sotynyń qylmystyq ister jónindegi sot alqasy 1920-1934 jyldary sottalǵan 161 adamǵa qatysty 8 qylmystyq isti qarady, dep habarlaıdy Kazinform agenttiginiń Tashkenttegi menshikti tilshisi.
El turǵyndary basmashylar qozǵalysyna materıaldyq kómek kórsetý, qarýly top qurý jáne Keńes úkimetine qarsy kóterilis uıymdastyrý aıyptarymen sottalǵan.
Joǵarǵy sottyń qylmystyq ister jónindegi sot alqasyna Bas prokýrordyń orynbasary Svetlana Artykova tarıhı dálelderdi usyna otyryp, kassatsııalyq narazylyq bildirdi. Al sot bul aıǵaqtardy tereń zerdeleı otyra, 8 qylmystyq is aıasynda sottalǵan 161 adamǵa qatysty aqtaý úkimin shyǵardy.
– Tarıhı ádilettilik ornatý, totalıtarlyq rejım kezeńinde ádiletsiz aıyptalǵan, múlki tárkilengen jáne ózderi qýǵyn-súrginge ushyraǵan ata-babalarymyzdy aqtaý boıynsha jumys júrgizilip jatyr. Eldiń táýelsizdigi, dini, senimi jáne mádenıeti úshin ózin qurban etken tulǵalardyń esimi halqymyzdyń jadynda máńgi saqtalady, - delingen Joǵarǵy sottyń habarlamasynda.
Buǵan deıin habarlaǵanymyzdaı, Ózbekstanda II Dúnıejúzilik soǵys ardagerlerine 30 mln sým beriledi.
