Shymkentte kásipkerlerge kúsh qoldanyp, bopsalap kelgen uıymdasqan qylmystyq top ustaldy
Shymkentte kásipkerlerge kúsh qoldanyp, bopsalap kelgen uıymdasqan qylmystyq top ustaldy, dep habarlaıdy Kazinform.
Kúdiktiler eki kásipkerge kúsh qoldanyp, olardyń BMW men VA3-2114 avtokólikterin zańsyz ıemdenip alǵan. Sondaı-aq, kúsh qoldaný arqyly aqsha bopsalap kelgen. Tekserý kezinde tórt atys qarýy, oq-dárilerimen, esirtki quraldary jáne ózge de zattaı aıǵaqtar tárkilendi.
«Qalalyq polıtsııa departamentiniń uıymdasqan qylmysqa qarsy kúres basqarmasynyń qyzmetkerleri arnaıy operatsııa barysynda bopsalaýshylar tobyn quryqtady. Top músheleri – 20-40 jas aralyǵyndaǵy azamattar. Olardyń basym bóligi buryn sońdy birneshe ret qylmystyq jaýapkershilikke tartylǵan. Polıtsııaǵa 10 adam jetkizildi, onyń ishinde toptyń eń belsendi tórt múshesi qamaýǵa alyndy. Qazirgi ýaqytta QR Qylmystyq kodeksiniń birneshe baby boıynsha sotqa deıingi tergeý júrgizilip jatyr» - delingen vedomstva tarapynan taratylǵan aqparatta.
