Shymkentte kásipkerlerdiń jumysyna zańsyz aralasqan 8 laýazymdy tulǵa jaýapkershilikke tartyldy
Shymkentte kásipkerlerdiń jumysyna zańsyz aralasqan 8 laýazymdy tulǵa jaýapkershilikke tartyldy. Bul týraly sybaılas jemqorlyqqa qarsy is-qımyl agenttiginiń Shymkent qalasy boıynsha departamenti basshysynyń birinshi orynbasary Jandos Jumabaev málimdedi, dep habarlaıdy Kazinform.
«Bızneske jol» jobasy aıasynda qalanyń sybaılas jemqorlyqqa qarsy qyzmetiniń usynysymen negizsiz eseptelgen salyqtar kásipkerlerge qaıtaryldy.
Sondaı-aq, 1000-nan astam kásipkerdiń quqyǵy qalpyna keltirildi. Al, kásipkerlerdiń jumysyna zańsyz aralasqany úshin 8 laýazymdy tulǵa túrli jaýapkershilikke tartyldy.
«2022 jylǵy 1 qańtardan bastap IV sanattaǵy obektilerdiń operatorlarynan qorshaǵan ortaǵa emıssııalar úshin tólem alynyp tastalǵan bolatyn. Bul baǵytta túsindirý jumystary júrgizilmegen. Sodan, 2 kásipker bıýdjetke artyq 109 myń teńge tólegen. Bizdiń usynystarymyzdan keıin salyq tóleýshilermen túsindirý jumystary júrgizilip, qarjyny qaıtarý jumystary júzege asyryldy» - dedi Jandos Jumabaev.
