Shymkentte kásipker úshin jol tańbasy ózgertilip, júk tasymaly jeńildetildi
ShYMKENT.KAZINFORM - Shymkent qalasy Ál-Farabı aýdanynyń prokýratýrasy ınvestor keń qoldanystaǵy balmuzdaq, jaıma ónimderin shyǵarýshy «Lenger Grýpp» JShS-nyń júk tasymalyn ońtaılandyrdy, dep habarlaıdy Shymkent qalasynyń prokýratýrasy.
Atap aıtqanda, «Lenger Grýpp» JShS-niń Shymkent qalasyndaǵy óndiristik qoımasy ornalasqan B.Sattarhanov kóshesindegi jol boıyndaǵy tutas jolaq qoımadan ónimderdi tasýǵa arnalǵan júk kólikterine qolaısyzdyqtar týdyrǵan.
Kásipkerdiń atalǵan másele boıynsha ýákiletti organdarǵa keltirgen shaǵymdary nátıjesiz qalǵan.
- Aýdan prokýratýrasynyń yqpal etýimen ınvestorda týyndaǵan máseleni sheshý maqsatynda tıisti organǵa hat joldanyp, qoımaǵa kiretin kóshe boıyndaǵy tutas syzyq úzik syzyq jol tańbasyna aýystyryldy. Osylaısha júk tasymalyna qolaıly jaǵdaı jasaldy,-delingen habarlamada.
Prokýratýra organy tosqaýyldarǵa tap bolǵan ınvestorlar men kásipkerlerdi +77076150010 telefony nemese 115 Call-ortalyǵy arqyly habarlasýǵa shaqyrady.
Osyǵan dein habarlaǵanymyzdaı, Abaı oblysynda prokýratýranyń yqpalymen 12 mlrd teńgelik jobanyń máselesi sheshildi.
