Shymkentte qarsy jolaqqa shyǵyp, joldy japqandar jaýapqa tartyldy
ShYMKENT. KAZINFORM – Qarsy jolǵa shyqqandar kólik júrgizý quqyǵynan aıryldy.
Kartejde júrgen jastar jol qozǵalysy erejesin óreskel buzǵan. Atap aıtqanda, qarsy jolaqqa shyǵyp, tyıym salynǵan jerde artqa júrgen. Sondaı-aq, keıbiri terezeden shyǵyp turǵan jolaýshylardy alyp júrip, óziniń ǵana emes, ózgeniń de qaýipsizdigin elemegen. Al temir tulparǵa ornatylǵan janyp-óshetin maıaktar tótenshe jaǵdaı týdyryp, basqa júrgizýshilerdi jol berýge májbúrlegen.
Tártip saqshylarynyń jedel áreket etýimen tártipsizdik ýaqytyly toqtatyldy.
- Jedel basqarý ortalyǵynyń beınebaqylaý ınspektorlary túngi ýaqytta qala kósheleriniń birinde avtokólikter kortejin anyqtady. Kortej qatysýshylary dosynyń toıynan shyǵyp, osylaısha merekeleýdi jalǵastyrǵany belgili boldy. Quqyq buzýshylar ákimshilik jaýapkershilikke tartyldy, onyń ishinde qarsy jolaqqa shyqqandar kólik júrgizý quqyǵynan aıyryldy. Polıtsııa joldaǵy nemquraılylyq qaıǵyly jaǵdaılarǵa ákelýi múmkin ekenin eskertedi jáne jol qozǵalysy qaǵıdalaryn qatań saqtaýǵa shaqyrady, - delingen Shymkent qalasy polıtsııa departamentiniń baspasóz qyzmeti taratqan aqparatta.
Aıta keteıik, budan buryn Shymkentte esirtki taratqan eki áıel ustalǵanyn jazǵan bolatynbyz.